இரண்டு பாகங்களாக வெளியாகும் ராமாயணம் - லேட்டஸ்ட் பாலிவுட் தகவல்

 ராமாயணத்தில் ராமராக ரன்பீர் கபூர் நடிக்கிறார் என்ற வதந்திகள் கடந்த சில வருடங்களாக பரவி கொண்டிருந்தது. மேலும், சாய் பல்லவியை சீதாவாகவும், லாரா தத்தா கைகேயாகவும், அருண் கோவிலை தஷ்ரத் ஆகவும் நடிப்பதாக சில படங்கள் கசிந்தன. 'கேஜிஎஃப் 2' படத்தில் நடித்த யாஷ் ராவணனாக நடிக்கயிருக்கிறார் என்பதுதான் ஹைலைட். வதந்திகள் பரவி வந்த நிலையிலும், இது குறித்த தகவல்கள் அதிகாரப்பூர்வமாக அறிவிக்கப்படவில்லை. தற்போது, ​​அத்தகவல் இறுதியாக அறிவிக்கப்பட்டுள்ளது. இது குறித்து தயாரிப்பாளர் நமித் மல்ஹோத்ராவால், தனது இன்ஸ்டாகிராமில் 'ராமாயணம்' வெளியீடு குறித்து தேதியுடன் அதிகாரப்பூர்வமாக அறிவித்துள்ளார்.

இரண்டு பாகங்களின் வெளியீட்டுத் தேதிகளை அறிவித்த அவர், "எங்கள் மிகப் பெரிய காவியத்தை பெருமையுடனும் மரியாதையுடனும் நிறைவேற்ற எங்களுடன் சேருங்கள்... பார்ட் 1 2026 தீபாவளிக்கும், 2027 தீபாவளிக்கு இரண்டாம் பாகமும் வெளியாகும் என கூறி இருக்கிறார்.