தனுஷுக்கு நன்றி சொன்ன சிவகார்த்திகேயன்!
சமீபத்தில் வெளியான சிவகார்த்திகேயனின் ''அமரன்'' திரைப்படம் மிகப்பெரிய வெற்றிப்படமாக அவருக்கு அமைந்துள்ளது. இப்படத்தின் விழாவில் சிவகார்த்திகேயன் நடிகர் தனுஷிற்கு தன் நன்றியினை தெரிவித்துள்ளார்.
சிவகார்த்திகேயனின் அமரன் திரைப்படம் மிகப்பெரிய வெற்றிப்படமாக மாறியுள்ளது. மறைந்த ராணுவ வீரர் மேஜர் முகுந்த் வரதராஜனின் வாழ்க்கை வரலாறாக இப்படம் உருவாகியுள்ளது. கமல்ஹாசன் தயாரிப்பில் ஜி.வி பிரகாஷ் இசையில் உருவாகியுள்ள இப்படத்தை ராஜ்குமார் பெரியசாமி இயக்கியிருந்தார். சாய் பல்லவி இப்படத்தில் நாயகியாக நடித்திருந்தார். கடந்த 2022 ஆம் ஆண்டு இப்படம் அதிகாரபூர்வமாக அறிவிக்கப்பட்டது.
அதனைத்தொடர்ந்து படக்குழுவின் கடுமையான உழைப்பிற்கு பிறகு இரண்டு ஆண்டுகள் கழித்து இப்படம் திரையில் வெளியாகியிருக்கிறது. தீபாவளி பண்டிகையை முன்னிட்டு வெளியான இப்படம் ரசிகர்களின் பேராதரவை பெற்று வெற்றிப்படமாக ஓடிக்கொண்டு இருக்கின்றது. கிட்டத்தட்ட இதுவரை அமரன் திரைப்படம் 150 கோடி வரை வசூலித்துள்ளது.
ஆரம்பகாலகட்டத்தில் தனுஷ் சிவகார்த்திகேயனை வைத்து தொடர்ந்து இரு படங்களை தயாரித்தார். எதிர் நீச்சல் மற்றும் காக்கி சட்டை ஆகிய படங்கள் அவருக்கு திருப்புமுனை படமாக அமைந்தது குறிப்பிடத்தக்கது.
