சிவகார்த்திகேயனை பாராட்டிய இசை பிரபலம்!

 தீபாவளி ரிலீசாக வெளியான சிவகார்த்திகேயனின் 'அமரன்' படத்திற்கு ரசிகர்கள் மத்தியில் அமோக வரவேற்பு கிடைத்து வருகிறது. உலக நாயகனின் ராஜ் கமல் பிலிம்ஸ் தயாரிப்பில் ரிலீசாகியுள்ள இப்படம் அரசியல் கட்சி தலைவர்கள், திரையுலகினர் பலரின் பாராட்டுக்களை தொடர்ச்சியாக குவித்து கொண்டிருக்கிறது. இந்நிலையில் 'அமரன்' படத்திற்கு இசையமைப்பாளர் அனிருத் ரவிச்சந்தர் பாராட்டு தெரிவித்துள்ளது இணையத்தில் வைரலாகி வருகிறது.

இந்நிலையில் கடந்த தீபாவளியன்று வெளியாகியுள்ள 'அமரன்' படம் தொடர்ச்சியாக பலரின் பாராட்டுக்களை குவித்து வருகிறது. தினமும் ஒவ்வொரு பிரபலங்களும் படத்திற்கு பாராட்டு தெரிவித்து வருகின்றனர். இந்நிலையில் அமரனுக்கு இசையமைப்பாளர் அனிருத் ரவிச்சந்தர் பாராட்டு தெரிவித்துள்ளது சோஷியல் மீடியாவில் வைரலாகி வருகிறது.

இது தொடர்பாக அவர் தனது X தளத்தில், "அமரன் சினிமாவின் சிறப்பானத் திரைப்படம். என் சிவகார்த்திகேயனை நினைத்துப் பெருமைப்படுகிறேன். சிறப்பான படத்தை உருவாக்கிய என் அண்ணன் ராஜ்குமார் பெரியசாமி மற்றும் படக்குழுவினருக்கு என்னுடைய பாராட்டுகளும், வாழ்த்துக்களும். மேலும் கமல் சார், மகேந்திரன் சார் உள்ளிட்டோருக்கும் என்னுடைய வாழ்த்துகள்". இவ்வாறு குறிப்பிட்டுள்ளார்.

திரையுலகினர் முதல் அரசியல் கட்சி பிரமுகர்களும் வரை இந்த படத்திற்கு பாராட்டுக்களை தெரிவித்து வருகின்றனர். இந்தநிலையில், பாக்ஸ் ஆபீஸீலும் ''அமரன்'' வசூல் மழையை வழங்கி வருகிறது. ரிலீஸ் ஆன 3 நாட்களில் ரூ. 100 கோடி வசூலை இப்படம் பெற்றுள்ளது குறிப்பிடத்தக்கது. மேலும், வரும் நாட்களில் 200 கோடி ரூபாயையும் நெருங்கும் எனவும் கோலிவுட் வட்டங்களில் கூறப்படுகிறது. இதுவரை சிவகார்த்திகேயன் நடிப்பில் வெளியான படங்களில் குறைந்த காலத்தில் அதிக வசூலை அள்ளியுள்ள படம் என்ற பெருமையை ''அமரன்'' பெற்றுள்ளது குறிப்பிடத்தக்கது.