வெளியானது ''தக் லைஃப்'' படத்தின் டீசர்!
பெரும் எதிர்பாரப்புகளுக்கு மத்தியில் கமல், மணிரத்னம் கூட்டணியில் ''தக் லைஃப்'' திரைப்படம் உருவாகி வருகிறது. கடந்த சில மாதங்களாக மும்முரமாக இந்த படத்தின் ஷூட்டிங் நடந்து கொண்டிருக்கிறது. இந்நிலையில் இப்படத்தின் ரிலீஸ் தேதி குறித்த அதிகாரப்பூர்வ அறிவிப்பு வெளியாகியுள்ளது.
கமலின் பிறந்தநாளை முன்னிட்டு வெளியாகியுள்ள 'தக் லைஃப்' படத்தின் டீசர் ரசிகர்கள் மத்தியில் அமோக வரவேற்பினை பெற்று வருகிறது.
'விக்ரம்' படத்தின் வெற்றிக்கு பிறகு நடிகர் கமலின் சினிமா உச்சத்தை தொட்டு விட்டது. தற்போது நடிப்பு, இயக்கம், தயாரிப்பு மற்றும் அரசியல் என எல்லா பக்கமும் மாஸ் காட்டி வருகிறார். இந்நிலையில் இன்று கமல் தனது பிறந்தநாளை கொண்டாடுகிறார். இதனை முன்னிட்டு தற்போது அவர் நடிப்பில் உருவாகி கொண்டிருக்கும் 'தக் லைப்' படத்தின் மரண மாஸ் டீசரை படக்குழுவினர் வெளியிட்டுள்ளனர்.
''பொன்னியின் செல்வன்'' இரண்டு பாகங்களின் வெற்றியை தொடர்ந்து யாரும் எதிர்பார்க்காத விதமாக கமலுடன் கூட்டணி அமைத்தார் மணிரத்னம். தமிழ் சினிமாவின் கிளாசிக் காம்போவான இவர்கள், நீண்ட இடைவேளைக்கு பிறகு மீண்டும் இணைந்தது கோலிவுட் வட்டாரத்தில் உச்சக்கட்ட எதிர்பார்ப்பினை கிளப்பியது.
நாயகன் படத்திற்கு பிறகு இத்தனை ஆண்டுகளுக்கு பிறகு கமல், மணிரத்னம் இணைந்துள்ளதால் ''தக் லைஃப்'' தரமான செய்கை ஆக இருக்கும் என கோலிவுட் ரசிகர்கள் எதிர்பார்க்கின்றனர். இந்நிலையில் இன்று கமலின் பிறந்தநாளை முன்னிட்டு இன்று ''தக் லைப்'' படத்தின் ரிலீஸ் தேதி குறித்த டீசர் வெளியாகியுள்ளது. இதில் சிம்புவும் நடித்துள்ளார் என்பது குறிப்பிடத்தக்கது.
