நவம்பரில் ரிலீஸ் ஆகும் தமிழ் படங்கள் லிஸ்ட்!

Amjath

7 Nov, 2024

தீபாவளியை முன்னிட்டு அமரன், பிரதர், லக்கி பாஸ்கர் உள்ளிட்ட திரைப்படங்கள் தியேட்டரில் வெளியாகி வெற்றிகரமாக ஓடி கொண்டிருக்கும் நிலையில் நவம்பர் மாத ரிலீசுக்கு அடுத்து ஒரு சில படங்கள் தயாராகியுள்ளன. அந்த வரிசையில் நவம்பர் மாதம் தியேட்டரில் வெளியாகும் தமிழ் திரைப்படங்கள் குறித்து பார்க்கலாம்.

பெரும் எதிர்பார்ப்பில் இருக்கும் திரைப்படம், இயக்குனர் சிறுத்தை சிவா இயக்கத்தில் நடிகர் சூர்யா நடிப்பில் தயாராகியிருக்கும் திரைப்படம் கங்குவா. 3டி தொழில்நுட்பத்தில் தயாராகி இருக்கும் இந்த படம் தமிழ்,கன்னடம், தெலுங்கு உள்ளிட்ட பல இந்திய மொழிகள் என மொத்தம் 38 மொழிகளில் ரிலீஸ் ஆக உள்ளதாக படக்குழு தெரிவித்துள்ளது. சூர்யா நடிப்பில் மிக பெரிய பட்ஜெட்டில் உருவாகியிருக்கும் கங்குவா படத்தில் பாலிவுட் பிரபலங்கள் நடிகை திஷா பதானி, பாபி தியோல் ஆகியோர் நடித்துள்ளனர். இந்த படம் நவம்பர் 14 ஆம் தியேட்டரில் ரிலீஸ் ஆக உள்ளது.

லவ்வர் படத்திற்கு பிறகு நடிகர் மணிகண்டன், ராஜேஸ்வர் காளிசாமி இயக்கத்தில் உருவாகியிருக்கும் திரைப்படம் ''குடும்பஸ்தன்''. காமெடி-ஐ முக்கியமாக வைத்து உருவாக்கப்பட்டுள்ள இந்த படத்திற்கு வைசாக்ஹ் இசை அமைத்துள்ளார். இத்திரைப்படமும் நவம்பர் 14 ஆம் தேதி ரிலீஸ் ஆக உள்ளது.

நடிகர் தனுஷ் இயக்கத்தில் பவிஷ் அனிகா சுரேந்தரன் நடிப்பில் உருவாகி இருக்கும் திரைப்படம் ''நிலவுக்கு என் மேல் ஏனடி கோபம்''. ஜிவி பிரகாஷ் குமார் இசையமைத்துள்ள இந்த திரைப்படத்தில் ஏற்கனவே ''கோல்டன் ஸ்பாரோ'' பாடல் பெரும் வரவேற்பை பெற்றது குறிப்பிடப்பட்டது. தனுஷின் வண்டர் பார்ஸ் தயாரிப்பில் உருவாகியுள்ள இந்த திரைப்படம் நவம்பர் 14 ஆம் தேதி தியேட்டர்களில் வெளியாக உள்ளது.

இந்த வகையில், இயக்குனர் பார்தி பாஸ்கர் இயக்கத்தில் நடிகர் ஜெய் மற்றும் நடிகை பூர்ணா நடித்துள்ள திரைப்படம் ''அர்ஜுனன் காதலி''. ரொமான்டிக் கதை களத்தை கொண்ட இந்த திரைப்படத்தை சிவசக்தி பாண்டியன் தயாரித்துள்ளார். மேலும், இந்த திரைப்படத்திற்கு ஸ்ரீகாந்த் தேவா இசையமைத்துள்ளார். இந்த திரைப்படம் நவம்பர் 11 ஆம் தேதி தியேட்டர்களில் ரிலீஸ் ஆக உள்ளது.