''காத்துவாக்குல ஒரு காதல்'' பட அப்டேட்

 சென்னை புரொடக்‌ஷன்ஸ் சார்பாக பி.எழில் இனியன் தயாரிக்கும் படம், ‘காத்துவாக்குல ஒரு காதல்’. மாஸ் ரவி பாடல்கள் எழுதி, நடித்து இப்படத்தை இயக்கியுள்ளார். முக்கிய வேடங்களில் லட்சுமிப்பிரியா, மஞ்சுளா, சூப்பர் சுப்பராயன், சாய் தீனா, சத்யா, ‘கல்லூரி’ வினோத், ஆதித்யா கதிர், தங்கதுரை, டாக்டர் சீனிவாசன், ‘கபாலி’ விஷ்வந்த், மேனக்சன், மிப்பு, மொசக்குட்டி, பிரியதர்ஷினி, பிரியங்கா ரோபோ சங்கர் நடித்துள்ளனர்.

தேவா பாடிய ‘சிங்கிளா இருந்தா சிங்கம் மச்சான்’ என்ற பாடல் காட்சியில் மாஸ் ரவி, சஞ்சனா சிங், தங்கதுரை, ஆதித்யா கதிர், டாக்டர் சீனிவாசன் நடனமாடியுள்ளனர். ராஜாத்தி எழில் இனியன் இணை தயாரிப்பு செய்ய, எம்.ஏ.ராஜதுரை ஒளிப்பதிவு செய்துள்ளார். ஹேப்பிசன் ஜெயராஜ் நடனப் பயிற்சி அளிக்க, ஜி.கே.வி இசை அமைத்துள்ளார்.