விஜயின் சர்க்கார் படத்தை முறியடித்த ''அமரன்''
தீபாவளிக்கு வெளியான ''அமரன்'' திரைப்படம் மிகப்பெரிய வசூல் மழையை பாக்ஸ் ஆபீஸில் நடத்தி வருகின்றது. கமலின் தயாரிப்பில் உருவான இப்படத்தை இயக்குனர் ராஜ்குமார் பெரியசாமி இயக்கியிருந்தார்.
மேஜர் முகுந்த் வரதராஜனின் வாழ்க்கை வரலாறை முன்வைத்து உருவான இப்படத்தில் முகுந்தாக சிவகார்த்திகேயன் நடித்திருந்தார், இல்லை, வாழ்ந்திருந்தார். ரசிகர்கள், பொதுமக்கள் முதல் அரசியல்வாதிகள் வரை அனைவரின் பாராட்டையும் இப்படம் பெற்றுவருகிறது. இதுவரை 150 கோடிக்கு மேல் இத்திரைப்படம் வசூல் செய்துள்ளதாக தகவல்கள் வெளியாகியுள்ளன. இனி வரும் நாட்களிலும் இப்படத்தின் வசூல் அதிகரிக்கும் என எதிர்பார்க்கப்படுகின்றது.
இந்நிலையில் நடிகர் விஜய் நடிப்பில் ஏ.ஆர் முருகதாஸ் இயக்கத்தில் வெளியான ''சர்க்கார்'' திரைப்படத்தின் வசூலை மலேசியாவில் சிவகார்த்திகேயனின் ''அமரன்'' திரைப்படம் வசூலில் முந்தியுள்ளது. இதுவரை, மலேசியாவில் அதிகப்படியான வசூலை பெற்ற தமிழ் படங்களாக லியோ மற்றும் ஜெயிலர் படங்கள் இருந்துவருகின்றன என்பது குறிப்பிடத்தக்கது. அதற்கு அடுத்த படியாக ''சர்க்கார்'' திரைப்படம் இருந்தது.
தற்போது சர்க்கார் திரைப்படத்தின் சாதனையை சிவகார்த்திகேயனின் ''அமரன்'' திரைப்படம் முறியடித்துள்ளது. ஏற்கனவே, தமிழ் சினிமாவில் விஜய்யின் இடத்தை சிவகார்த்திகேயன் தான் பிடிப்பார் என பலராலும் சொல்லப்படுகின்றது. இந்த சமயத்தில் சிவகார்த்திகேயனின் அமரன் திரைப்படம் வசூல் வேட்டை நடத்தி வரும் நிலையில் மேலும் இந்த பேச்சு பரபரப்பாக போய்க்கொண்டிருக்கிறது.
