மனிதர்களை தவிர்த்துவிடுகிறேன்.. திரிஷாவின் லேட்டஸ்ட் பதிவு!
கோலிவுட்டின் முன்னணி நடிகையாக வலம்வந்துகொண்டிருக்கும் நடிகை திரிஷாவின் இன்ஸ்டாகிராம் போஸ்ட் ஒன்று ட்ரெண்டாகியுள்ளது. கடைசியாக அவரது நடிப்பில் பிருந்தா என்ற வெப் சீரிஸ் வெளியானது. மேலும் ''கோட்'' படத்தில் ஒரு பாடலுக்கு நடனமும் ஆடியிருந்தார்.
''மெளனம் பேசியதே'' படத்தின் மூலம் அறிமுகமான திரிஷா, முதல் படத்திலேயே நடிப்பு, அழகால் ரசிகர்களையும் கோலிவுட் இயக்குநர்களையும் அவர் திரும்பி பார்க்க வைத்தார். அதன் காரணமாக வரிசையாக அவருக்கு திரைப்பட வாய்ப்புகள் கிடைத்தன. மேலும், ரஜினி, கமல், விஜய், அஜித், விக்ரம், சூர்யா, சிம்பு, தனுஷ், ஜெயம் ரவி என கிட்டத்தட்ட அனைத்து நடிகர்களுடனும் தமிழில் ஜோடி போட்டுவிட்டார் திரிஷா.
தற்போது அவர் கைவசம் விடாமுயற்சி, குட் பேட் அக்லி, தக் லைஃப், விஸ்வம்பரா, கௌரவ் நாராயணன் இயக்கத்தில் ஒரு படம் என கைநிறைய வரிசையாக படங்களை வைத்துள்ளார். மேலும் ஹிந்தியிலும் ரீ என்ட்ரி கொடுக்கவிருக்கிறார் என்று கூறப்படுகிறது. கடைசியாக அவரது நடிப்பில் ''பிருந்தா'' வெப் சீரிஸ் வெளியானது. மேலும், ''கோட்'' படத்தில் விஜய்யுடன் ஒரு பாடலுக்கு நடனம் ஆடி சென்சேஷனலும் ஆனார் என்பது குறிப்பிடத்தக்கது.
இதற்கிடையே அவர் சமூக வலைத்தளத்தில், தனது இன்ஸ்டாகிராம் பக்கத்தில் போட்டிருக்கும் போஸ்ட் ஒன்று ட்ரெண்டாகியுள்ளது. அந்தப் போஸ்ட்டில் அவர், "நான் மனிதர்களை தவிர்த்துவிடுகிறேன். நாய்களை நேசிக்கிறேன். என்னுடைய நாய் மற்ற நாய்களை தவிர்த்துவிடுகிறது. மனிதர்களை நேசிக்கிறது. நாம் இணைந்து நேசமான சமூகத்தை உருவாக்குவோம்" என்று குறிப்பிட்டிருக்கிறார்.
