அஜித்தின் ''விடாமுயற்சி'' பட அப்டேட்..
அஜித் குமார் நடிப்பில் தயாராகி வரும் 'விடாமுயற்சி' படத்தினை பற்றிய புதிய தகவல்களை படக் குழுவினர் பிரத்யேக புகைப்படத்தை வெளியிட்டு உற்சாகத்துடன் அறிவித்துள்ளனர்.
இயக்குநரும், நடிகருமான மகிழ் திருமேனி இயக்கத்தில் உருவாகி வரும் 'விடா முயற்சி', திரைப்படத்தில் அஜித் குமார், அர்ஜுன், திரிஷா, ரெஜினா, ஆரவ், நிகில் நாயர் உள்ளிட்ட பலர் நடித்திருக்கிறார்கள். ஓம் பிரகாஷ் மற்றும் நீரவ் ஷா ஆகியோர் இணைந்து ஒளிப்பதிவு செய்திருக்கும் இந்த திரைப்படத்திற்கு அனிருத் இசையமைத்திருக்கிறார். லைக்கா புரொடக்ஷன்ஸ் நிறுவனம் சார்பில் தயாரிப்பாளர் சுபாஸ்கரன் தயாரித்திருக்கிறார்.
இந்நிலையில் இப்படத்தின் டப்பிங் பணிகள் தொடங்கி இருப்பதாக பட குழுவினர் உற்சாகத்துடன் அறிவித்துள்ளனர். அத்துடன் இது தொடர்பான புகைப்படத்தையும் வெளியிட்டுள்ளனர். முதலில் இப்படத்தில் முக்கிய வேடத்தில் நடித்திருக்கும் நடிகர் ஆரவ் பின்னணி பேசி இருக்கிறார்.
இந்தத் திரைப்படம் அடுத்த ஆண்டு பொங்கலுக்கு பிறகு வெளியாகும் என்று சினிமா வட்டாரங்கள் தெரிவிக்கின்றன.
