நான் தீவிர அஜித் ரசிகன்... பட ப்ரமோஷனில் துல்கர் சல்மான்!

இந்த நிகழ்ச்சியில் நடிகர் துல்கர் சல்மான், நடிகர் ராம்கி மற்றும் படக்குழுவினர் கலந்து கொண்டனர். அப்போது நடிகர் துல்கர் சல்மான் பேசுகையில், “ரொம்ப நாட்களுக்கு பிறகு என்னுடைய படம் திரைக்கு வருகிறது. இந்த படத்தில் வரும் பாஸ்கர் கதாபாத்திரம் அனைவரின் வாழ்க்கையிலும் பொருந்தும்.

நான்கு மொழிகளிலும் டப்பிங் செய்வதற்கு 40 நாள் ஆகும். ஒவ்வொரு மொழிக்கும் 10 நாட்கள் எடுக்கும், 40 நாட்களும் இருட்டில் அமர்ந்தே பேசுவேன். இந்த படத்திற்கு 'லக்கி பாஸ்கர்' என்ற பெயர் வைத்துள்ளீர்கள், உங்கள் வாழ்க்கையில் லக்கி என்றால் எதை கூறுவீர்கள் என்ற கேள்விக்கு, "என் வாழ்க்கையில் நான் லக்கி தான், பிறந்த வீடும் லக்கி தான் என்றார். மேலும் என் அப்பா 'பாஸ்கர் ராஸ்கல்' என்ற படத்தில் நடித்துள்ளார். அதே போல் தான் இந்த படத்தின் பெயரை கேட்டதும் மிகவும் பிடித்தது.