ஹிட் அடிக்குமா 'பிரதர்'?...காத்திருக்கும் ஜெயம் ரவி & படக்குழுவினர்!

               தமிழ் சினிமாவில் அனைவருக்கும் பிடித்த நடிகர்களின் பட்டியலில் இருப்பவர் நடிகர் ஜெயம் ரவி. இவர் நடிப்பில் உருவாகியுள்ள பிரதர் திரைப்படம் வருகின்ற தீபாவளி ரிலீஸ் திரைப்படமாக அக்டோபர் 31ஆம் தேதி திரையரங்குகளில் வெளியாகிறது. எந்த ஒரு சூழலிலும் வித்தியாசமான கதைகளை கையாள ரவி என்றுமே தவறவில்லை என்பது குறிப்பிடத்தக்கது. அந்த வகையில் கடந்த 21 ஆண்டுகளாக தமிழ் திரை உலகில் மிகச்சிறந்த நடிகராக அவர் பயணித்து வருகிறார். 

அந்த வகையில் இயக்குனர் எம். ராஜேஷ் இயக்கத்தில், ஹாரிஸ் ஜெயராஜ் இசையில் வருகின்ற தீபாவளி ரிலீஸ் திரைப்படமாக வெளியாக இருக்கிறது ஜெயம் ரவியின் "பிரதர்" திரைப்படம். இந்த திரைப்படத்தில் பிரியங்கா மோகன், பூமிகா, சரண்யா பொன்வண்ணன், வி.டிவி கணேஷ், யோகி பாபு மற்றும் ரோபோ சங்கர் உள்ளிட்ட பல முக்கிய நடிகர்கள் நடித்திருக்கின்றனர். அக்கா-தம்பி இடையான பாசத்தை மையமாக இந்த படத்தின் கதையை இயக்குனர் எம். ராஜேஷ் தயாரித்திருக்கிறார். அதேபோல் நீண்ட இடைவெளிக்குப் பிறகு ஹாரிஸ் ஜெயராஜ், ஜெயம் ரவி திரைப்படத்திற்கு இசையமைக்கிறார். மேலும், இத்திரைப்படத்தின் ''மக்காமிஷி'', ''மிதக்குது காலு ரெண்டும்'' போன்ற பாடல்கள் சமூக வலைத்தளங்களில் வைரல் ஆகி நல்ல வரவேற்பை பெற்றுள்ளது.

இந்த நிலையில், கடைசியாக வெளியான அவருடைய திரைப்படங்கள் நல்ல வரவேற்பை பெற்றாலும், போதுமான வசூலை பாக்ஸ் ஆபிஸில் வசூல் செய்யவில்லை. தற்போது, பிரதர் திரைப்படம் எதிர்பார்க்கும் அளவிற்கு வசூலை வழங்கும் என ஜெயம் ரவி மற்றும்  படக் குழுவினர் நம்பிக்கையுடன் எதிர்பார்த்து காத்திருக்கின்றனர்.