தூங்கும்போதும் உடலுறவு கொள்ள வேண்டும் என்ற எண்ணம் வருகிறதா? அந்த நோய்க்கு என்ன பெயர் தெரியுமா?

நாம் தூங்கும் போது நமக்கே தெரியாமல் பலவித செயல்களில் ஈடுபடுவது உண்டு. எப்படி குறட்டை விடுதல், எச்சு வடித்தல் மற்றும் பல்லைக் கடித்தல் போல செக்ஸோமினியாவும் தூங்கும் போது ஏற்படுகின்ற ஒரு பிரச்சினை தான். அதாவது செக்ஸோமினியா என்பது தூங்கும் போது உடனே உடலுறவு கொள்ள ஏற்படும் எண்ணம். கடுமையான சந்தர்ப்பங்களில் இதனால் சில தீவிர விளைவுகள் ஏற்படுகின்றன.

பொதுவாக தூங்கும் போது நிறைய பேர் உளறுவார்கள் ஆனால் இந்த செக்ஸோமினியா பிரச்சினை இருப்பவர்கள் தூக்கத்தில் சுய இன்பம் காணுதல் அல்லது உடலுறவு கொள்ளுதல் போன்ற செயல்களில் ஈடுபடுவார்கள். எனவே தான் இதை செக்ஸோமினியா அல்லது தூக்க செக்ஸ் என்று அழைக்கின்றனர்.

​

எப்படி சிலர் தூக்கம்வராமல் தவிக்கிறார்களோ அதைப் போல இதுவும் ஒரு தூக்கக் கோளாறு தான். இது பாலியல் இயல்பு விஷயமும் கூட. உங்க மூளை நன்றாக தூங்காமல் ஓரளவு மட்டுமே தூக்க நிலையில் இருக்கும் போது இது நிகழ்கிறது.

மூளை ஆராய்ச்சி மதிப்பாய்வின் படி, இது தூக்கத்தின் போது ஒரு அசாதாரண பாலியல் நடத்தையை ஏற்படுத்துகிறது. இரவுநேர விறைப்பு, பிறப்புறுப்பு உயவு, இரவு நேர விந்தணு உமிழ்வு, கனவு புணர்ச்சி போன்ற செயல்கள் காணப்படுகிறது.

இந்த செக்ஸோமினியாவை மருத்துவர்கள் முதன் முதலில் 1996 ஆம் ஆண்டில் தான் அடையாளம் கண்டனர்.

இது மிகவும் வித்தியாசமான ஒன்று

>துணையுடன் முன் விளையாட்டுகளில் ஈடுபடுதல்

>இடுப்பு உந்துதல்

>உடலுறவை பிரதிபலிக்கும் செயல்களில் ஈடுபடுதல்

>சுய இன்பம் மேற்கொள்ளுதல்

>உடலுறவு

தூக்க உடலுறவின் தீவிரம் மாறுபடுகிறது. சில செக்ஸோம்னியா நோயாளிகள் வெறுமனே புலம்பல், கூக்குரல் மற்றும் நடுக்கம் போன்ற செயல்களில் ஈடுபடுகிறார்கள். மற்றவர்கள் சுயஇன்பம் செய்யும் பாலியல் செயல்களில் ஈடுபடுகிறார்கள் அல்லது மற்ற நபர்களுடன் படுக்கையில் இருத்தல் போன்ற செயல்களில் ஈடுபடுகிறார்கள் என்று மருத்துவர் விளக்கம் அளித்து உள்ளார்.

சில பேர் உடலுறவு ரீதியான தீவிர உணர்வை பெறும் போது வன்முறையில் ஈடுபடலா‌ம். இதில் ஆச்சரியமான விஷயம் என்னவென்றால் தூக்கத்தில் நடப்பது மற்றும் பேசுவதைப் போல அவர்கள் பாலியல் தொடர்புடைய செயல்களை செய்தார்கள் என்பது அந்த நபருக்கு நினைவில் இருக்கவோ உணரவோ முடியாது.

இந்த கோளாறு ஏற்படுவதற்கு மன அழுத்தம் மிகப்பெரிய காரணமாக இருக்கலாம்.

>தூக்கமின்மை அல்லது தூக்கத்தில் மூச்சுத்திணறல்

>அதிகப்படியான ஆல்கஹால் நுகர்வு

>பொழுதுபோக்கு மருந்துகள் போன்றவை இது ஏற்பட காரணமாக இருக்கலாம்.

​>சுகாதார தாக்கங்கள் இருக்குமா

சில விஞ்ஞானிகள் இதற்கு மரபணு கூறு இருப்பதாகவும், இது இந்த சிக்கல்களுக்கு வழி வகுக்கிறது என்றும் கூறுகின்றனர்.

இருப்பினும் பெரிய உடல்நல பிரச்சனைகள் எதுவும் ஏற்படவில்லை. ஆனால் இந்த செயல் காரணமாக அவமானமும், சங்கடமும் எதிர்கொள்ளப்படுகிறது.

ஆனால் கடுமையான சந்தர்ப்பங்களில், அமைதியற்ற கால் நோய்க்குறி, தூக்கம் தொடர்பான கால்-கை வலிப்பு, செயல் வன்முறையில் ஏற்பட்டால் ஏற்படும் காயங்கள், இரைப்பைஉணவுக்குழாய் ரிஃப்ளக்ஸ் நோய் (GERD) அல்லது ஒற்றைத் தலைவலி போன்ற சில சிக்கல்கள் ஏற்படக்கூடும் என்று மருத்துவர்கள் கூறுகின்றனர்.

உளவியல் நிபுணர்கள் கருத்துப்படி செக்ஸோமினியா மனநல பாதிப்புக்களுக்கு வழி வகுக்கும்.

இதற்கு மருத்துவ சிகிச்சைகள் இருக்கின்றன. ஆய்வின் படி இதை குணப்படுத்த 6 மாத காலங்கள் ஆகலாம்.

இது மிகவும் பொதுவான பிரச்சினை அல்ல. ஒரு வருடத்தில் 8 முதல் 10 வழக்குகள் மட்டுமே செக்ஸோமினியாவைக் கொண்டு வரப்படுகிறது. இருப்பினும், மன அழுத்த அளவு மற்றும் பதட்டம் அதிகரிப்பதால், பிரச்சினை வளரக்கூடும். எனவே, உங்கள் மன நலனைக் கவனித்துக்கொள்வது அவசியம்.

எனவே நீங்கள் உளவியல் நிபுணரை சந்திப்பது செக்ஸோமினியாவுடன் தொடர்புடைய சங்கடம் மற்றும் அவமானம் போன்ற உணர்வுகளை குறைக்க உதவும். எதிர்மறை எண்ணங்கள் நிறைந்தவர்களுக்கு ஆலோசனை அமர்வுகள் மூலம் எண்ணத்தை குறைக்கலாம். செக்ஸ்சோம்னியா உள்ளவர்கள் உணர்ச்சி மற்றும் உளவியல் அறிகுறிகளைக் கணிசமாகக் குறைக்கலாம் என்றும் உளவியல் நிபுணர்கள் தெரிவித்துள்ளனர்.