இந்த 13 காரணத்துக்காக அக்ரூட் தினமும் ஒன்னு சாப்பிடுங்க...

வால்நட்ஸ் என்பது நம் உணவில் சேர்க்கக் கூடிய மிகவும் சத்தான உணவாகும். இதில் ஆரோக்கியமான கொழுப்புகள், நார்ச்சத்துக்கள், விட்டமின்கள் மற்றும் தாதுக்கள் உள்ளன. இது ஆன்டி ஆக்ஸிடன்கள் நிறைந்தது. இதில் ஓமேகா 3 கொழுப்பு அமிலங்கள் உள்ளன. மனிதனால் வளர்க்கப்படும் பழமையான மர உணவுகளில் வால்நட்ஸ்கள் உள்ளன. கிட்டத்தட்ட பி. சி 7000 வருடங்களுக்கு முன்பாகவே சிறந்த உணவாக இருந்துள்ளது. ஆனால் மக்கள் பல தவறான எண்ணங்கள் காரணமாக இந்த பருப்பு கலோரி நிறைந்தவை மற்றும் இயற்கையில் கொழுப்பு அடர்த்தியானது என்று கருதி சாப்பிடுவதைத் தவிர்க்கிறார்கள். இருப்பினும் வால்நட்ஸில் ஊட்டச்சத்துக்கள் மிகுந்து காணப்படுகிறது. வளர்சிதை மாற்றத்தில் இருந்து இதய ஆரோக்கியம் வரை நன்மைகளை அளிக்க கூடியது. எனவே இந்த வால்நட்ஸ்யை ஏன் உணவில் சேர்க்க வேண்டும் என்பதற்கான காரணங்கள் இதோ

​

வால்நட்ஸ் எடை மேலாண்மை உணவின் ஒரு பகுதியாக இருக்கலாம். வால்நட்ஸ் உட்கொள்வது எடை அதிகரிப்பு மற்றும் உடல் பருமனை ஏற்படுத்த வாய்ப்பில்லை என்று பல ஆய்வுகள் தெரிவிக்கின்றன. உண்மையில், ஒரு அவுன்ஸ் வால்நட்ஸ் பருப்பில் 2.5 கிராம் ஓமேகா 3 கொழுப்புகள், 4 கிராம் புரதம் மற்றும் 2 கிராம் நார்ச்சத்துக்கள் ஆகியவைகள் உள்ளன. எனவே உங்க எடையை இழக்க வால்நட்ஸ் சிறந்த உணவாகும். எடை இழக்க உதவ வால்நட்ஸ் பருப்புகள் ஒரு முக்கியமான கருவியாக செயல்படுகிறது.

வால்நட்ஸில் மெலடோனின் என்ற கலவை காணப்படுகிறது. எனவே வால்நட்ஸ் சாப்பிடுவது இரத்தத்தில் மெலடோனின் அளவை அதிகரிக்கிறது. இது தூக்கத்தை தூண்டுகிறது. எனவே தான் வால்நட்ஸ் பருப்புகள் சாப்பிடுவது தூக்கத்தை மேம்படுத்த ஒரு சிறந்த வழியாகும்.

வால்நட்ஸ் கூந்தல் ஆரோக்கியத்திற்கு மிகவும் சிறந்தது. வால்நட்ஸில் பயோட்டின் என்ற இருப்பதால் கூந்தலை வலுப்படுத்தவும், முடி உதிர்வை குறைக்கவும் உதவுகிறது. முடி உதிர்வை தடுக்க இந்த உணவுகளை நீங்கள் முயற்சி செய்யலாம்.

வால்நட்ஸில் நிறைய ஆன்டி ஆக்ஸிடன்கள் உள்ளன. சுமார் 100 கிராம் வால்நட்ஸில் 20 மி. கி அளவிற்கு ஆன்டி ஆக்ஸிடன்கள் உள்ளன. இது இதய நோய்களை தடுக்க உதவுகிறது. இவை ஒமேகா 3 கொழுப்பு அமிலங்களால் ஏற்படுகிறது. இந்த அமிலங்கள் கெட்ட கொழுப்புக்களை குறைக்கிறது. நல்ல கொழுப்புக்களின் உற்பத்தியை அதிகரிக்கின்றன. இது உங்க இதய ஆரோக்கியத்தை மேம்படுத்துகிறது.

வால்நட்ஸ் பருப்புகள் நீரிழிவு நோயை குறைக்கும் அபாயத்துடன் தொடர்புடையது. ஒரு ஆய்வின் படி வாரத்திற்கு இரண்டு முறை 28 கிராம் வால்நட்ஸ்களை உட்கொண்ட பெண்களுக்கு டைப் 2 நீரிழிவு நோய் வருவதற்கான வாய்ப்பை 24 சதவீதம் குறைக்கிறது. இது ஆண்களுக்கும் சிறந்த நன்மைகளை அளித்து வருகிறது.

ஒரு நாளைக்கு 2.5 அவுன்ஸ் வால்நட்ஸ் சாப்பிடுவது ஆரோக்கியமான விந்தணுக்களின் தரத்தை மேம்படுத்துகிறது என்று ஆராய்ச்சியாளர்கள் கூறுகின்றனர். யு.சி.எல்.ஏ ஆராய்ச்சியாளர்களின் ஆய்வின்படி, ஒரு நாளைக்கு 75 கிராம் வால்நட்ஸ் பருப்புகள் சாப்பிடுவது 21 முதல் 35 வயதுடைய ஆரோக்கியமான ஆண்களின் விந்தணுக்களின் உருவமைப்பை மேம்படுத்துகிறது. இது விந்தணுக்களின் தரத்தையும் எண்ணிக்கையும் அதிகரிக்கிறது.

வால்நட்ஸில் விட்டமின் பி, ஆன்டி ஆக்ஸிடன்கள் நிறையவே உள்ளன. இது உங்க சருமத்தை தீவிர சேதத்தில் இருந்து தடுக்கிறது. வயதான சுருக்கங்களை களைகிறது. எனவே குறிப்பிட்ட வயதிற்குள் சரும பொலிவை நீங்கள் பெற விரும்பினால் வால்நட்ஸ் பருப்புகளை சாப்பிடுங்கள்.

வால்நட்ஸ்களை சாப்பிடுவது டிமென்ஷியாவை விரட்ட பயன்படுகிறது என்று விஞ்ஞானிகள் கூறுகின்றனர். வால்நட்ஸ் பருப்புகள் உட்கொள்ளாத எலிகள் கற்றல், நினைவகம், உடல் மற்றும் உணர்ச்சி கட்டுப்பாட்டில் வியத்தகு இழப்பை சந்தித்ததாக கூறப்படுகிறது. வால்நட்ஸில் விட்டமின் ஈ, ஃப்ளோவனாய்டுகள் போன்றவை டிமென்ஷியாவை ஏற்படுத்தும் தீங்குகளிலிருந்து நம்மை காக்கிறது. மேலும் வால்நட்ஸ்கள் அல்சைமர் என்ற நோயை தடுக்க உதவுகிறது.

ஒரு புதிய ஆய்வின்படி வால்நட்ஸ் பருப்புகள் கணைய புற்றுநோய் அபாயத்தைக் தடுக்கிறது. செவிலியர்கள் சுகாதார ஆய்வில் 75,680 பெண்கள் கலந்து கொண்ட ஆய்வில் கணைய புற்றுநோய்க்கான ஆபத்திற்கும் இடையிலான தொடர்பை ஆராய்ச்சியாளர்கள் கவனித்தனர். எனவே நீங்கள் கணைய புற்றுநோயில் இருந்து தப்பிக்க நினைத்தால் ஒரு அவுன்ஸ் வால்நட்ஸ்களை வாரத்திற்கு இரண்டு அல்லது அதற்கு மேற்பட்ட முறை உட்கொண்டு வந்தால் கணைய புற்றுநோய் ஆபத்தில் இருந்து தப்பிக்க முடியும்.

ஒரு வாரத்திற்கு 3 முறை ஒரு சில பாதாம் பருப்புகளை சாப்பிடுவது நீண்ட ஆயுள் வாழ வழி வகுக்கும் என்று ஆய்வு கூறுகிறது. இந்த வால்நட்ஸ் விதைகள் புற்றுநோயால் இறக்கும் அபாயத்தை 40 சதவீதமும் இதய நோயிலிருந்து குறைந்தது 55 சதவீதமும் குறைவதாக விஞ்ஞானிகள் கண்டறிந்துள்ளனர். பொதுவாக ஆராய்ச்சியில் வால்நட்ஸ் சாப்பிடுபவர்கள் இறப்புக்கு 39 சதவீதம் அபாயத்தை குறைக்கவும், 46 சதவீதம் உடல் நல அச்சுறுத்தல்கள் குறைவாக இருப்பதும் தெரிய வந்துள்ளது.

வால்நட்ஸ் பருப்புகளில் உள்ள கொழுப்பு அமிலங்கள் நிறைந்த உணவை தாய்மார்களும் குழந்தைகளுக்கும் ஏற்படும் ஒவ்வாமை வாய்ப்பை குறைக்கிறது என்று ஆராய்ச்சியாளர்கள் கூறுகின்றனர். ஒரு தாயின் உணவில் பாலி அன்சேச்சுரேட்டேடு கொழுப்பு அமிலங்கள் இருந்தால் குழந்தையின் குடல் வித்தியாசமாக உருவாகிறது என்று ஆராய்ச்சிகள் கூறுகின்றது. இந்த பாலிஅன்சாச்சுரேட்டட் கொழுப்பு அமிலங்கள் குடல் நோயெதிரிப்பு செல்கள் மற்றும் பாக்டீரியா போன்ற தொற்றுகளை எதிர்க்க உதவுகிறது. இதனால் குழந்தைகளுக்கு உணவு அழற்சி ஏற்படுவது குறைகிறது.

ஒரு நாளைக்கு 2 அவுன்ஸ் வால்நட்ஸ் பருப்புகள் மார்பக புற்றுநோய் வளர்ச்சியை குறைக்கிறது. இது குறித்து எலிகளில் ஆராய்ச்சி செய்த போது எலிகளின் கருத்தரித்தல் மற்றும் அவற்றின் வாழ்நாள் முழுவதும் ஆய்வு செய்தனர். வால்நட்ஸ் பருப்புகள் கொடுக்கப்பட்ட எலிகள் மார்பக புற்றுநோய் அபாயத்தைக் குறைவாக கொண்டு இருந்தனர். மேலும் கட்டிகளின் எண்ணிக்கை மற்றும் அவற்றின் அளவுகள் கணிசமாக சிறியதாக இருந்தது.

தினசரி மன அழுத்தம் உங்க உடல்நலத்தை பாதிக்கிறது என்றால் வால்நட்ஸ் சேர்ப்பது அவசியம். இது மன அழுத்தத்தை எதிர்த்து போராட உதவுகிறது. வால்நட்ஸ் இரத்த அழுத்தத்தைக் குறைக்கிறது. மன அழுத்தத்தை மேம்படுத்த உதவுகிறது. வால்நட்ஸ் பருப்புகள் நார்ச்சத்துக்கள், ஆன்டி ஆக்ஸிடன்கள், நிறைவுறா கொழுப்பு அமிலங்கள், ஆல்பா லினோலெனிக் அமிலங்கள், ஒமேகா 3 கொழுப்பு அமிலங்கள் நிறைந்த மூலங்களாக உள்ளன. வால்நட்ஸ் பருப்புகள் நமக்கு ஊட்டச்சத்துக்களை வழங்குகிறது.