மாவட்ட கலெக்டர்களுடன் தமிழக முதல் அமைச்சர் பழனிசாமி ஆலோசனை: ஊரடங்கு எதிரொலி இந்தியாவின் கிராமப்புறங்களில் பாதி அளவு உணவே சாப்பிடுகிறார்கள்- ஆய்வில் தகவல்
தமிழ் யங்ஸ்டர்ஸ் வருகைக்கு நன்றி! உங்கள் ஆதரவை தொடர்ந்து எதிர்பார்க்கிறோம்!
மாவட்ட கலெக்டர்களுடன் தமிழக முதல் அமைச்சர் பழனிசாமி ஆலோசனை
இதில் முதல் அமைச்சர் பேசும்பொழுது, கொரோனா வைரஸ் பற்றியும், முன்னெச்சரிக்கை நடவடிக்கைகள் பற்றியும் ஒலிபெருக்கிகள், ஊடகங்கள், குறும்படங்கள் வாயிலாக மக்களுக்கு எடுத்துரைக்கப்பட்டு உள்ளது.
பொதுமக்கள் அளிக்கும் ஒத்துழைப்புக்கு ஏற்ப வைரஸ் தொற்றை தடுக்க முடியும். பரவலை தடுத்து நிறுத்த முடியும் என தெரிவித்து கொள்கிறேன். இதற்கு காவல் துறை, உள்ளாட்சி துறை ஆகியவை துணைபுரிந்து உள்ளன.
பொதுமக்களுக்கு தேவையான அனைத்து வசதிகளையும் அரசு செய்து வருகிறது. அத்தியாவசிய தேவைக்கான பொருட்கள் தங்கு தடையின்றி, எந்தவித சிரமும் இன்றி கிடைக்க அரசு வழிவகை செய்துள்ளது.
விவசாயிகளிடையே அதிகாரிகள் சென்று, விளைபொருட்களை விலைக்கு வாங்கி மாநிலத்தின் பல்வேறு பகுதிகளிலும், அரசாங்கமே, வீதி வீதியாக மக்கள் வசிக்கும் பகுதிகளுக்கு வாகனங்களில் சென்று விற்பனை செய்து வருகிறது.
அதற்கு மாவட்ட கலெக்டர்களும், காவல் துறை மற்றும் அனைத்து உயரதிகாரிகளும் துணை நிற்கின்றனர் என கூறியுள்ளார்.
ஊரடங்கு எதிரொலி இந்தியாவின் கிராமப்புறங்களில் பாதி அளவு உணவே சாப்பிடுகிறார்கள்- ஆய்வில் தகவல்
இந்த ஆய்வை பர்தான் என்ற அமைப்பு நடத்தியது சமூக முன்னேற்றத்திற்கான நடவடிக்கை குழு , பிஏஐஎப், டிரான்ஸ்ஃபார்ம் ரூரல் இந்தியா அறக்கட்டளை, கிராமீன் சஹாரா, சாதி-உத்தரபிரதேசம், விகாஸ் அன்வேஷ் அறக்கட்டளை,சம்போடியின் ஆராய்ச்சி கழகம் மற்றும் அகா கான் கிராமிய ஆதரவு திட்டம் (இந்தியா) ஆகிவையும் இணைந்து இந்த ஆய்வில் ஈடுபட்டன.
ஆய்வில் கிராமப்புற வீடுகளில், அவர்களில் பாதி பேர் 50 சதவீதத்திற்கும் குறைவான உணவு பொருட்களை சாப்பிடுவதும், நெருக்கடியை சமாளிக்க குறைந்த வேளை சாப்பிடுவதும் கண்டறியப்பட்டது.
பதிலளித்தவர்களில் மூன்றில் ஒரு பங்கிற்கும் அதிகமானோர் வரவிருக்கும் காரீப் பருவத்திற்கான விதைகளைக் கொண்டிருக்கவில்லை என்றும், கிட்டத்தட்ட பாதி பேர் பயிர் கடன்களைப் பெறுவார்கள் என்றும் எதிர்பார்க்கப்படுகிறது.எனவே, விதை மற்றும் கடன் வழங்கல் உள்ளிட்ட காரீஃப் பருவத்திற்கான அரசாங்க ஆதரவுக்கு இந்த ஆய்வு முக்கியத்துவம் அளிக்கிற
68 சதவீத குடும்பங்கள் தங்கள் உணவில் உணவுப் பொருட்களைக் குறைத்துவிட்டதாகக் கூறி உள்ளனர். 50 சதவீத குடும்பங்கள் ஒரு நாளில் சாப்பிடும் எண்ணிக்கையை குறைத்துவிட்டன. 24 சதவீத குடும்பங்கள் உணவு தானியங்களை கடன் வாங்கியுள்ளனர்.
84 சதவீத குடும்பங்கள்ரேஷன் மூலம் கிடைத்ததாகக் கூறினாலும், ஆறில் ஒரு குடும்பம் இன்னும் பின்தங்கிய நிலையில் உள்ளது.
ஊரடங்கு வருமானத்தை பாதிக்கும் அதிகமாக குறைத்துவிட்ட நிலையில், கிட்டத்தட்ட 22 சதவீத குடும்பங்கள் பணக்கார குடும்பங்களிடமிருந்தும், 16 சதவீதம்பணம் கடன் கொடுப்பவர்களிடமிருந்தும் கடன் வாங்கியிருப்பது கண்டறியப்பட்டது. 22 சதவீதம் கால்நடைகளை விற்பனை செய்வதன் மூலம் பணத்திற்காக ஏற்பாடு செய்யப்பட்டுள்ளது, 14 சதவீதம் பேர் வீட்டுப் பொருட்களை அடமானம் வைத்து உள்ளனர்.
கிராமப்புற வீடுகளில் குழந்தைகளின் கல்வியில் கொரோனா ஏற்படுத்தும் தாக்கம் குறித்தும் இந்த ஆய்வு எச்சரிக்கிறது. விருப்பப்படி எந்த செலவுகளை ஒத்திவைப்பீர்கள் என கேட்டால், கிட்டத்தட்ட 29 சதவீத குடும்பங்கள் தங்கள் குழந்தைகளை பள்ளியை விட்டு வெளியேறவைப்பதாக கூறினர்.
கணக்கெடுக்கப்பட்ட பெரும்பாலான குடும்பங்களில், புலம்பெயர்ந்த உறுப்பினர்கள் இன்னும் திரும்பவில்லை. கணக்கெடுக்கப்பட்ட 17 சதவீத வீடுகளில், புலம்பெயர்ந்த உறுப்பினர்கள் திரும்பி வந்துள்ளனர்.
பெண்களுக்கு கூடுதல் வேலை சுமை இருப்பதும் இந்த ஆய்வில் கண்டறியப்பட்டுள்ளது. ஏறக்குறைய 62 சதவீத வீடுகளில் பெண் உறுப்பினர்கள் தண்ணீர் எடுக்க அதிக பயணங்களை மேற்கொண்டதாகவும், 68 சதவீத வீடுகளில் பெண்கள் விறகுகளை சேகரிப்பதில் அதிக நேரம் செலவழித்து வருவதாகவும் தெரிவித்துள்ளனர்.
