அம்மாவிற்கு எது செய்தாலும் ஈடு இணையில்லை. ஆனால் அவர்களுக்காக நீங்கள் மெனக்கெடும் சிறு விஷயம் கூட மலையளவுதான். அப்படியான மகிழ்ச்சியை அம்மாவுக்கு கொடுக்க வேண்டுமெனில், இந்த இடங்களுக்கெல்லாம் கூட்டிச் சென்று சர்ப்ரைஸ் செய்யுங்கள்.

ரிஷிகேஷ் : மலைகளும், பள்ளத்தாக்குகளும் சூழ இயற்கை வாழும் இடம். சுற்றிப்பார்க்க கோவில்கள், விளையாட்டு போன்ற ஃபன் ஆக்டிவிடீஸிற்கு நீர் வீழ்ச்சி, நதிநீர், அமைதியான இடம் என பார்ப்பதற்கே கண்கவர் அழகுடன் இருக்கும் ரிஷிகேஷிற்கு அழைத்துச் சென்று அம்மாவை மகிழ்விக்கலாம்.

லாந்தோர் : பச்சை பசேலென குளிரும் புகை மண்டலங்களுக்கு நடுவே ஓர் அனுபவத்தை உங்கள் அம்மாவிற்குக் கொடுங்கள். அமைதியான மனதிற்கு நிம்மதியான ஒரு சூழல் இங்கு நிச்சயம் கிடைக்கும். இங்கிருக்கும் கட்டிடங்கள் மற்றும் கிறிஸ்தவ தேவாலயங்கள் மிகவும் பிரசித்திபெற்றவை.

குலு மனாலி : வாழ்க்கையில் இதுபோதும் என்கிற திருப்தியை ஏற்படுத்தும் இடம்தான் மனாலி, இமாச்சலப்பிரதேசத்தில் உள்ள இந்தப் பகுதி முற்றிலும் காடுகளும், மலைகளும், பனிப் பிரதேசங்களானவை. எப்போதும் வீட்டை நினைத்தே சதா கவலைப்படும் அம்மாவை இங்கு அழைத்துச் சென்றால் ஆனந்தமாக இருப்பார்கள்.

கோவா : உங்கள் அம்மாவுக்கு பீச்சை ரசிக்கும் ஆர்வம் இருந்தால், கடற்கரையின் இளவரசியான கோவாவிற்கு அழைத்துச் செல்லலாம். மெரினா, பெசண்ட் நகர் என இங்கேயே கடலை ரசித்தவருக்கு அங்கிருக்கும் கண்ணாடிப் பளிங்கு போன்ற பீச் அவர்களுக்கு புது அனுபவமாக இருக்கும்.