கொரோனா 2.0 உருமாறிய வைரஸ்: புதிய அறிகுறிகள்- டாக்டர்கள் அதிர்ச்சி; உலகம் முழுவதும் பெரும் படுகொலைகள் - டிரம்ப் ஆவேசம்

கொரோனா 2.0 உருமாறிய வைரஸ்: புதிய அறிகுறிகள்- டாக்டர்கள் அதிர்ச்சி
சீனாவின் உகான் நகரில் கடந்த ஆண்டு டிசம்பர் மாதம் தோன்றிய கொரோனா வைரசால் உலகமே நோய் தொற்றால் பாதிக்கப்பட்டு உள்ளது.

கொரோன வைரசுக்கு எதிராக தடுப்பு மருந்து கண்டுபிடிப்பதற்காக உலகம் முழுவதும் ஆய்வுகள் நடைபெற்று வருகிறது. கொரோனா வைரஸ் பாதிப்புக்கு  ஒவ்வொரு நாட்டிலும் பல்வேறு வகையான மருந்துகள் பயன்படுத்தப்படுகின்றன.

கொரோனா வைரஸ் தன்னை உருமாற்றிக்கொள்ளத் தொடங்கியுள்ளதாக அதிர்ச்சியளிக்கும் தகவலை ஆய்வாளர்கள் கண்டுபிடித்துள்ளனர்.மேலும் கொரோனா புதிய அறிகுறிகளையும் கொண்டு உள்ளது
இதனால் கொரோனா வைரஸுக்கு எதிரான தடுப்பூசியை உருவாக்குவது மிகவும் சவாலானதாக உள்ளது.

கொரோனா தோன்றிய சீனாவில், ஒரு புதிய அறிகுறிகள் வெளிவந்துள்ளன. ஜுலின் மற்றும் ஹீலோங்ஜியாங் மாகாணங்களில் உள்ள நோயாளிகள் உகானில் ஆரம்பகால பாதிப்புகளை விட குணமடைய அதிக நேரம் எடுத்துக்கொண்டிருப்பதாக தேசிய சுகாதார ஆணைய நிபுணர் குழுவின் மூத்த உறுப்பினர் ஒருவர் தெரிவித்தார்.

உகானில் ஏற்பட்ட முதல் கொரோனா பாதிப்பு அலியுடன்  ஒப்பிடும்போது, வடகிழக்கு பிராந்தியத்தில் அதன் புதிய கொத்து நிகழ்வுகளில் நோயாளிகளிடையே கொரோனா வைரஸ் வித்தியாசமாக வெளிப்படுவதை சீன மருத்துவர்கள் காண்டுபிடித்து உள்ளனர். இது நோய்க்கிருமி அறியப்படாத வழிகளில் மாறக்கூடும் என்றும் அதை அடையாளம் காணும் முயற்சிகளை சிக்கலாக்குகிறது என்றும் கூறப்படுகிறது.

வடக்கு மாகாணங்களான ஜிலின் மற்றும் ஹீலோங்ஜியாங்கில் காணப்படும் நோயாளிகள் நீண்ட காலத்திற்கு வைரஸ் உடம்பில் இருப்பதையும், எதிர்மறையைச் சோதிக்க அதிக நேரம் எடுப்பதையும்காட்டுகிறது என்று சீனாவின் உயர்மட்ட மருத்துவ பராமரிப்பு மருத்துவர்களில் ஒருவரான கியூ ஹைபோ செவ்வாயன்று அரசு தொலைக்காட்சியில் தெரிவித்தார்.

வடகிழக்கில் உள்ள நோயாளிகளுக்கு நோய்த்தொற்று ஏற்பட்ட பின்னர் அறிகுறிகளை காட்ட உகானை விட  ஒன்று முதல் இரண்டு வாரங்களை விட அதிக நேரம் எடுப்பதாகத் தெரிகிறது, மேலும் இந்த தாமதமான ஆரம்பம் பரவுவதற்கு முன்பு பாதிப்புகளை கண்டறிவது அதிகாரிகளுக்கு கடினமாக உள்ளது என்று கியூ கூறினார்.

கொரோனாவின்  இந்த புதிய திரிபு வெளிநாட்டிலிருந்து மீண்டும் இறக்குமதி செய்யப்பட்டிருக்கலாம் என்று கியூ ஊகிக்கிறார். புதிய திரிபு எந்த நாட்டில் தோன்றியிருக்கலாம் என்று அவர் குறிப்பிடவில்லை, ஆனால் ஜிலின் மற்றும் ஹீலோங்ஜியாங் இரு மாகாணங்களும் ரஷ்யாவுடன்  எல்லையைக் கொண்டுள்ளன.

சீனாவின் தேசிய சுகாதார ஆணையத்தின் நிர்வாகி ஜெங் யிக்சின் கூறியதாவது:-

கொரோனாவின்  பெருகிய முறையில் சிக்கலான பிறழ்வுகள் இரண்டாவது அலைகளை அதிகமாக்குகின்றன: தொற்றுநோய் நிலைமை இப்போது உள்நாட்டில் துண்டு துண்டாக உள்ளது. அதனால் தொற்று நோய் மீண்டும் வருவதை தடுக்கும் பணி கடினமாக உள்ளது என கூறினார்.

சீனாவில்கொரோனா வரசின் இரண்டாவது அலையில் நூற்றுகணக்கானவர்கள் பாதிக்கப்பட்டு உள்ளனர். புதிய பாதிப்புகள் பதிவாகிய பின்னர், வடகிழக்கு நகரமான ஷுலானில் புதிய ஊர்டங்கு உத்தரவிடப்பட்டுள்ளது.

வைரஸ் எவ்வாறு வெளிப்படுகிறது என்பது பற்றிய மீதமுள்ள நிச்சயமற்ற தன்மை, அதன் பரவலைக் கட்டுப்படுத்துவதற்கும், சீனாவின் பொருளாதாரங்களை மீண்டும் திறப்பதற்கும் அரசாங்கங்களின் முயற்சிகளுக்குத் தடையாக இருக்கும் என்று கூறப்படுகின்றன. உலகளவில் சீனா மிகவும் விரிவான வைரஸ் கண்டறிதல் மற்றும் சோதனை முறைகளில் ஒன்றாகும், ஆனால் அதன் புதிய வைரசை கட்டுப்படுத்த இன்னும் போராடி வருகிறது.

உலகளாவிய ஆராய்ச்சியாளர்கள் வைரஸ் ஒரு குறிப்பிடத்தக்க வகையில் பிறழ்ந்திருக்கிறதா என்பதைக் கண்டறிய முயற்சிக்கின்றனர், இது மனித மக்களிடையே பரவுவதால் மேலும் தொற்றுநோயாக மாறுகிறது, ஆனால் ஆரம்பகால ஆராய்ச்சிகள் இந்த சாத்தியத்தை மிகைப்படுத்தியதாக விமர்சிக்கப்பட்டுள்ளன.

உலகம் முழுவதும் பெரும் படுகொலைகள் -டிரம்ப் ஆவேசம்
 உலகம் முழுதும் கொரோனா வைரஸ் பரப்பியதன் மூலம் பெரும் எண்ணிக்கையிலான படுகொலைகளை நிகழ்த்தியிருப்பதாக சீனா மீது அமெரிக்க அதிபர் டிரம்ப் கடும் தாக்குதல் தொடுத்துள்ளார்.

அமெரிக்காவில் நேற்றுமட்டும்  23,285 புதிய கொரோனா வைரஸ் பாதிப்புகள் பதிவாகி உள்ளது. 1,518 தொடர்புடைய இறப்புகள் பதிவாகியுள்ளதாக ஜான்ஸ் ஹாப்கின்ஸ் பல்கலைக்கழகம் தெரிவித்துள்ளது.

அமெரிக்காவில் மொத்தம் 1,551,853 பாதிப்புகள் மற்றும் 93,439 இறப்புகள் பதிவாகி உள்ளது.

நியூயார்க் மாநிலம் மிகக் கடுமையாக பாதிக்கப்பட்டுள்ளது, அதைத் தொடர்ந்து நியூ ஜெர்சி, இல்லினாய்ஸ் மற்றும் மாசசூசெட்ஸ் மாநிலங்கள் பாதிக்கப்பட்டு உள்ளன.

அமெரிக்காவில் உயிரிழந்தோர் எண்ணிக்கை 93  ஆயிரத்தை தாண்டி உள்ள  நிலையில் அமெரிக்க ஜனாதிபதி டிரம்ப் தமது அமைச்சர்களுடன் கொரோனாவை எதிர்ப்பது குறித்து வெள்ளை மாளிகையில் ஆலோசனை நடத்தினார்.

சீனா மீது தமது தொடர் குற்றச்சாட்டுகளை சுமத்தி  வரும் டிரம்ப் மேலும் ஒரு தாக்குதலைத் தொடுத்தார். கொரோனாவை கட்டுப்படுத்த முடியாத சீனாவின் மெத்தனத்தால் உலகம் முழுவதும் பெரும் படுகொலைகள் நிகழ்த்தப்பட்டிருப்பதாக டிரம்ப் ஆவேசத்துடன் கூறினார்.

ஜனாதிபதி டொனால்ட் டிரம்ப் சீனாவுக்கு எதிரான தனது சொல்லாட்சியை விரிவுபடுத்தினார், "அமெரிக்கா மற்றும் ஐரோப்பா மீதான தவறான தகவல் மற்றும் பிரச்சார தாக்குதலுக்கு" பின்னால் சீனா ஜனாதிபதி  ஜி ஜின்பிங் இருக்கிறார்.