20 ஆண்டுகளுக்கும் மேலாக தொலைக்காட்சியில் தொகுப்பாளினியாக வலம் வருபவர் டிடி என்று அழைக்கப்படும் திவ்யதர்ஷினி.

தொலைக்காட்சி மட்டுமல்லாது, பவர் பாண்டி, துருவ நட்சத்திரம் உள்ளிட்ட படங்களிலும் நடித்துள்ளார்.

சமூகவலைதளத்தில் கணக்கு வைத்திருக்கும் இவருக்கு ரசிகர்களும் ஏராளாம்.

ஊரடங்கை முன்னிட்டு பல பிரபலங்கள் சமூகவலைதளத்தில் லைவ்வில் வந்து தனது ரசிகர்களை சந்தித்து வரும் நிலையில், திவ்யதர்ஷினியையும் லைவ் வர வேண்டுகோள் விடுத்தனர் அவரது ரசிகர்கள்.

இந்நிலையில் தனக்கு காலில் முறிவு ஏற்பட்டதால் இன்ஸ்டாகிராமில் லைவ் வர முடியவில்லை என்று கூறி, புகைப்படத்தையும் வெளியிட்டிருக்கிறார் டிடி.

ஊரடங்குக்குப் பிறகு தனக்கு கால் முறிவு ஏற்பட்டிருப்பதாக தெரிவித்திருக்கும் டிடி இதனால் கடும் வலி இருந்ததாகவும், இது குறித்து சொல்லாமல் இருந்ததற்கு என் மீது அன்பு வைத்திருக்கும் ரசிகர்கள் கோபம் கொள்வார்கள் என்பது தெரியும் என்றும் கூறியுள்ளார்.

மேலும் டிடி தனது பதிவில், விரைவில் மீண்டு வருவேன் என்று நம்பிக்கை தெரிவித்திருப்பதோடு, தனக்கு சிகிச்சையளித்த மருத்துவர்களுக்கு நன்றியும் தெரிவித்துள்ளார்.