ஐ.பி.எல் டி20 : புனே அணியை 7 விக்கெட்டுகள் வித்தியாசத்தில் வீழ்த்தியது கொல்கத்தா நைட் ரைடர்ஸ்

புனே: ஐ.பி.எல் டி20 சீசன் 10 இன்றைய லீக் போட்டியில் புனே அணியை 7 விக்கெட்டுகள் வித்தியாசத்தில் வீழ்த்தி கொல்கத்தா நைட் ரைடர்ஸ் அணி அபார வெற்றி பெற்றது. முன்னதாக இந்த போட்டியில் டாஸ் வென்ற கொல்கத்தா நைட் ரைடர்ஸ் அணி பந்து வீச்சை தேர்வு செய்தது. இதனையடுத்து களமிறங்கிய புனே அணி நிர்ணயிக்கப்பட்ட 20 ஓவர்களில் 5 விக்கெட்டுகளை இழந்து 182 ரன்களை குவித்தது.

இதனையடுத்து 183 ரன்கள் எடுத்தால் வெற்றி என்ற இலக்குடன் களமிறங்கிய கொல்கத்தா ரைடர்ஸ் அணி, 18.1 ஓவா்களில் 3 விக்கெட்டுகளை  இழந்து  184 ரன்களை எடுத்து வெற்றி பெற்றது. அந்த அணியின் உத்தப்பா அதிரடியாக ஆடி 47  பந்துகளில் 87 ரன்களை குவித்து அணியின் வெற்றிக்கு வழிவகுத்தார். கவுதம் காம்பீரும் அதிரடியாக ஆடி 46 பந்துகளில் 62 ரன்களை குவித்தார்