ஆதிவாசிகளிடம் சிக்கிய பாகுபலி குழு
பாகுபலியின் இரண்டாம் பாகம் படப்பிடிப்பு தற்போது கேரளா மாநிலம் கன்னூரில் நடைபெற்று வந்தது. திடிரென்று அங்கு வசிக்கும் கன்னூர் ஆதிவாசி மக்கள் இங்கு படப்பிடிப்பை நடத்தக்கூடாது என்று தடை விதித்து வருகின்றனர்.கேரளா அரசு அனுமதி கொடுத்த பிறகு தான் இங்கு படப்பிடிப்பு நடத்த வந்திருக்கிறோம் என்று பல தடவை படக்குழு எடுத்து சொல்லியும் அவர்கள் கேட்கவே இல்லை, பதிலுக்கு கேரளா அரசுக்கு எங்களை பற்றியெல்லாம் கவலையே இல்லை, பணம் கொடுக்கும் ஆளுங்களுக்கு தான் அவர்கள் செயல்படுவார்கள் என்று அரசை கண்டித்தனர்.பாகுபலி படக்குழுவினரை உடனடியாக திரும்பிப் போகுமாறு ஆதிவாசி அமைப்பினர் கூறி விட்டனர். இதனால் எப்படி படப்பிடிப்பை நடத்துவது என்று தெரியாமல் இயக்குனர் ராஜமௌலியும், படக்குழுவினரும் குழம்பிப் போயிருப்பதாக சொல்லப்படுகிறது.
