ஒரே நேரத்தில் இரண்டு படத்தில் நடிக்கும் விக்ரம்
கடந்த சில வருடங்களாக விக்ரம் நடித்த படங்கள் நீண்டகால தயாரிப்பாக மாறியதால் அவரை ரசிகர்கள் மறக்கும் சூழல் ஏற்பட்டது. ஐ, 10 எண்றதுக்குள்ள படங்களில் நடித்தபோது அந்தப் படங்கள் ரிலீஸ் ஆக நீண்டகாலம் பிடித்தது. எனவே இனி நடிக்கும் படங்கள் குறுகிய கால தயாரிப்பாக இருக்க வேண்டும் என்பதில் கவனமாக இருக்கப்போகிறார் விக்ரம். 10 எண்றதுக்குள்ள படத்தை தொடர்ந்த , தற்போது அரிமா நம்பி ஆனந்த் சங்கர் இயக்கும் படத்தில் நடிக்கிறார் விக்ரம். இந்தப் படத்துடன் வேறு ஒரு படத்திலும் நடிக்க ஒப்புக் கொண்டிருக்கிறார் விக்ரம். விஷால் நடித்த சமர், தீராத விளையாட்டு பிள்ளை, நான் சிகப்பு மனிதன் ஆகிய படங்களை இயக்கிய திரு இந்த படத்தை இயக்குகிறார். புதிய படத்தில் விக்ரமுடன் முதன் முதலாக இணைகிறார் திரு. ஜீவா நடிப்பில் சிங்கம் புலி படத்தை தயாரித்த பட நிறுவனம் இப்படத்தை தயாரிக்கிறது. இந்த படத்திற்கு இன்னும் தலைப்பு வைக்கப்படவில்லை. இப்படத்தில் நடிக்கவிருக்கும் மற்ற நடிகர் நடிகைகள் மற்றும் தொழில்நுட்ப கலைஞர்களின் தேர்வு தற்போது நடந்து வருகிறது.
