தமிழில் வெளியாகும் ஸ்டார் வார்ஸ்
உலகையே வசூல் வேட்டையில் கலக்கி வரும் ஸ்டார் வார்ஸ் படத்தின் ஏழாம் பாகமான த ஃபோர்ஸ் அவேக்கன்ஸ் திரைப்படம் கிருஸ்துமஸ் தினமான நாளை வெளியாகிறது. டிசம்பர் 18ம் தேதியே இந்தியாவில் வெளியாகும் என எதிர்ப்பார்க்கப்பட்ட ஸ்டார்வார்ஸ் திரைப்படம், பாஜிராவ் மஸ்தானி, தில்வாலே, தங்கமகன் போன்ற படங்களின் வருகையால், கிருஸ்துமஸ் தினமான டிசம்பர் 25ம் தேதிக்கு ஒத்திவைக்கப்பட்டது. இந்நிலையில் பெரிதும் எதிர்ப்பார்க்கப்பட்ட ஸ்டார்வார்ஸ் திரைப்படம் நாளை இந்தியா முழுவதும் வெளியாகிறது. தமிழகத்தில், தமிழ் டப்பிங்கிலும் ஸ்டார் வார்ஸ் திரைப்படம் நாளை வெளியாகவுள்ளது. பூலோகம், பசங்க-2 ஆகிய படங்கள் நாளை தமிழகத்தில் வெளியானாலும், ஸ்டார்வார்ஸ் அந்த படங்களுக்கு சமமான போட்டியாக அமையும் என்று கோலிவுட் வட்டாரங்கள் முணுமுணுக்கத் தொடங்கியுள்ளன. வேற்றுகிரக வாசிகளையும், லேசர் கத்தியின் சுழற்ச்சியையும் நாளை நாமும் கண்டு மகிழலாம்
