மர்ம மனிதன் படத்தில் தாடி விக்ரம்

விஜய்மில்டன் இயக்கத்தில் விக்ரம் நடித்த 10 எண்றதுக்குள்ள படம் படு தோல்வியடைந்ததைத் தொடர்ந்து வீறு கொண்டு எழுந்துள்ளார் விக்ரம். அரிமா நம்பி படத்தை இயக்கிய ஆனந்த் சங்கர் இயக்கத்தில் ஒரு  படம், திரு இயக்கத்தில் ஒரு படம் என ஒரே நேரத்தில் இரண்டு படங்களில்  நடிக்கவிருக்கிறார்.  மர்ம மனிதன் என தலைப்பு வைக்கப்பட்டுள்ள இந்தப்  படத்தின் பூஜை இன்று எளிமையான முறையில் நடைபெற்றது.  விக்ரமின் 52-ஆவது படமான இப்படத்தை புலி படத்தை தயாரித்தவர்களில் ஒருவரான ஷிபு தமீன் தயாரிக்கிறார் இப்படத்தில் விக்ரமுக்கு ஜோடியாக நயன்தாரா, நித்யா மேனன் இருவரும்  நடிக்கிறார்கள். இப்படத்திற்கு ஹாரிஸ் ஜெயராஜ் இசை அமைக்கிறார். ஆர்.டி.ராஜசேகர் ஒளிப்பதிவு செய்ய ஒப்பந்தமாகியுள்ளார்</இப்படத்தின் படப்பிடிப்பு  ஜனவரி  முதல் வாரத்தில் மலேசியாவில் துவங்கவிருக்கிறது. ரஜியின் கபாலி படத்தின் படப்பிடிப்பு சென்னையில் துவங்கி, பிறகு பல நாட்கள் மலேசியாவில்தான்  நடைபெற்றது.  அதைப் போலவே இப்போது விக்ரம் நடிக்கும் மர்ம மனிதன் படத்தின் படப்பிடிப்பும் மலேசியாவில் நடைபெறவிருக்கிறது. இந்தப் படத்தில் தாடி வைத்துக் கொண்டு வித்தியாசமானதொரு கெட்டப்பில் நடிக்கிறார் விக்ரம்