நாய்களை மீட்க உதவிய நடிகர் விஷால்

கால்நடைகளுக்கான இந்திய மக்கள் இயக்கம் என்ற தன்னார்வ தொண்டு நிறுவனம் சென்னையில் செயல்படுகிறது. இந்த இயக்கத்தின் அலுவலகத்துக்கு ஒருவர் போன் செய்து, சென்னை கிண்டியில் இரும்பு வேலியில் 3 நாய்கள் சிக்கிக் கொண்டு, உயிருக்கு போராடிக் கொண்டிருக்கிறது என்று தகவல் தெரிவித்தார். இதையடுத்து, மீட்பு குழுவினர் அங்கு விரைந்து சென்று அந்த 3 நாய்களையும் மீட்டனர். இந்த நாய்களை கால்நடை ஆஸ்பத்திரிக்கு கொண்டு செல்ல, மீட்பு குழுவினரிடம் வாகனங்கள் எதுவும் இல்லை. இதையடுத்து, சமூக வலைதளத்தில் வாகன உதவி கேட்டு தகவல் வெளியிட்டனர். இதை பார்த்த நடிகர் விஷால், அந்த நாய்களை கால்நடை ஆஸ்பத்திரிக்கு கொண்டு செல்ல கார் ஒன்றை ஏற்பாடு செய்து கொடுத்தார். இதைதொடர்ந்து, அந்த நாய்கள் ஆஸ்பத்திரிக்கு கொண்டு சென்று முதல் உதவி வழங்கப்பட்டு, காப்பாற்றப்பட்டன.