வேதாளம் டிரைலர் ரிலீஸ் தேதி அறிவிப்பு
அஜித் நடித்துள்ள வேதாளம் படம் வெளிவர இன்னும் சரியாக ஒரு வாரமே இருக்கும் நிலையில் இதுவரை படத்திற்கான டிரைலர் வெளியிடப்படவேயில்லை. இன்னும் படத்தின் டிரைலரை வெளியிடாததால் அஜித் ரசிகர்கள் கடுப்பாகவே இருக்கிறார்கள். படத்தின் தணிக்கை முடிந்துதான் டிரைலரை வெளியிட வேண்டும் என்று படக்குழுவினர் திட்டமிட்டதால்தான் அதற்கான தாமதம் ஏற்பட்டது. இருந்தாலும் டிரைலரை சீக்கிரமாக வெளியிட்டிருந்தால் டீசரை சாதனை படைக்க வைத்தது போல டிரைலரையும் சாதனை படைக்க வைக்க அஜித் ரசிகர்கள் ஆவலாக இருக்கிறார்கள். வேதாளம் பட வட்டாரங்களிடம் விசாரித்த வரையில் ஒரு அதிரடியான டிரைலர் தயாராகிவிட்டதாம், அதை நாளை மறுநாள் அதாவது நாளை இரவு 12 மணிக்கு வெளியிட திட்டமிட்டுள்ளார்கள் என்ற தகவல் வெளியாகியுள்ளது. கடந்த வியாழன் அன்றே அஜித் ரசிகர்கள் டிரைலர் வெளியாகும் என்று காத்துக் கிடந்தார்கள். ஆனால், வீர விநாயகா பாடலின் டீசரைத்தான் அன்று வெளியிட்டார்கள். வரும் வியாழன்றாவது டிரைலர் வெளியாவது உறுதியாக இருக்கும் என்றே அஜித் ரசிகர்களும் நம்புகிறார்கள். வேதாளம் டிரைலர் வெளியானால் அதை பட வெளியீட்டிற்கு நான்கு நாட்கள் இருக்கும் நிலையில் தெறிக்க விட ரசிகர்கள் தயாராக இருக்கிறார்கள்.
