கவுண்டமணி படத்தை வாங்கிய சிரஞ்சீவி

நீண்ட இடைவேளைக்குப் பிறகு கவுண்டமணி நடிப்பில் வெளியான படம் ‘49 ஓ’. இப்படத்தை ஆரோக்கியதாஸ் இயக்கியிருந்தார். விவசாயம் மற்றும் விவசாயிகளின் வாழ்க்கையை சொல்லும் விதமாக இப்படம் உருவாகியிருந்தது. சமீபத்தில் வெளியான இப்படம் ரசிகர்கள் மத்தியில் நல்ல வரவேற்பு பெற்றது.  இதையடுத்து இப்படத்தை தெலுங்கில் உருவாக்க இருப்பதாகவும், அதற்கான உரிமையை பெருந்தொகை கொடுத்து சிரஞ்சீவி வாங்கியிருப்பதாகவும் செய்திகள் வெளியாகியுள்ளன. சிரஞ்சீவி அரசியலில் இருப்பதால், விவசாயிகள் சிக்கலைப் பற்றியும் விளை நிலங்களைப் பாதுகாப்பது பற்றிய கதையைக் கொண்ட இப்படத்தில் நடிப்பது பொருத்தமாக இருக்கும் என்பதால் இப்படத்தின் உரிமையை வாங்கியிருக்கிறார் என்றும் சொல்லப்படுகிறது.  அனேகமாக கவுண்டமணி நடித்த கதாபாத்திரத்தில் சிரஞ்சீவி நடிப்பார் என்று தெரிகிறது. இப்படம் குறித்த முழுவிவரங்கள் விரைவில் வெளியாகும் என்று எதிர்பார்க்கப்படுகிறது.