இந்தியாவுக்கு எதிராக புதிய சாதனை படைத்தார் டிவில்லியர்ஸ்
தென் ஆப்பிரிக்க வீரர்களில் அதிக சதங்கள் அடித்தவர் என்ற புதிய சாதனையை படைத்துள்ளார் டிவில்லியர்ஸ். இந்தியாவுக்கு எதிரான நேற்றைய 4வது ஒருநாள் போட்டியில் தென் ஆப்பிரிக்க தலைவர் டிவில்லியர்ஸ் 112 ரன்கள் அடித்தார். இது அவரின் 22வது சதமாகும். தவிர இது இந்தியாவுக்கு எதிராக அவர் அடிக்கும் 5வது சதமாகும். இதன் மூலம் அதிக சதம் அடித்த தென் ஆப்பிரிக்கா வீரர்கள் பட்டியலில் டிவில்லியர்ஸ் முதலிடத்தை பிடித்தார். முன்னதாக அம்லா, கிப்ஸ் ஆகியோருடன் தலா 21 சதங்களுடன் சமநிலையில் இருந்தார். மேலும், இந்த ஆண்டில் ஒருநாள் சர்வதேச போட்டிகளில் ஆயிரம் ரன்களை கடந்த 6வது வீரர் என்ற சிறப்பையும் பெற்றார். அவர் இந்த ஆண்டில் 19 போட்டிகளில் 1,074 ரன்கள் குவித்துள்ளார்.
