டி20 உலகக்கோப்பை இந்தியாவுக்கு தான்..! அடித்து சொல்லும் லாரா
இந்திய டி20 அணி அபாயகரமாக இருப்பதால் அந்த அணி தான் டி20 உலகக்கோப்பை வெல்லும் என்று அடித்து கூறியுள்ளார் பிரையன் லாரா. சமீபத்தில் தென் ஆப்பிரிக்காவுக்கு எதிரான டி20 தொடரை இந்திய அணி 2-0 என்று இழந்தது. இருப்பினும் அந்த அணியை குறைத்து மதிப்பிடக் கூடாது என்று அவர் தெரிவித்துள்ளார். இது பற்றி மேற்கிந்திய தீவுகளின் முன்னாள் ஜாம்பவான் பிரைன் லாரா கூறுகையில், “இந்திய அணி உள்ளூரில் சிறப்பாக விளையாடும். அதை 2011ம் ஆண்டு உலகக்கோப்பை போட்டியின் போது நிரூபித்து காட்டியுள்ளது. அதிலும் டோனி தலைமையில் இந்திய அணி வலுவாக, அபாயகரமான அணியாக உள்ளது. இந்த அணியில் பல சகலதுறை வீரர்கள் உள்ளனர். இந்திய வீரர்கள் நன்கு முதிர்ச்சி அடைந்து விட்டனர். எனவே டி20 உலகக்கோப்பை வெல்லும் வாய்ப்பு அவர்களுக்கு நன்றாகவே உள்ளது. அதே சமயம் மேற்கிந்திய தீவுகள் அணி மோசமான நிலையில் உள்ளது. என்னை அந்த அணிக்கு பயிற்சியாளராக நியமித்தால் கூட பெரிய அளவில் மாற்றம் ஏற்படப் போவதில்லை. எங்கள் அணியில் சில பிரச்சனைகள் உள்ளன. நிர்வாக ரீதியாகவும் நாங்கள் சரியில்லை. இதனால் பெரிய அளவில் மாற்றம் நிழந்துவிடாது என்று நினைக்கிறேன். இருப்பினும் அணியில் சில திறைமையான வீரர்கள் உள்ளனர். மேலும், இந்தியாவைப் எனக்கு பிடிக்கும். இங்குள்ள மக்களை அதிகம் விரும்புவேன். சச்சின், டிராவிட், லட்மண், டோனி, கோஹ்லி என நல்ல நண்பர்கள் இங்கு உள்ளனர் “என்று தெரிவித்துள்ளார்.
