இணையத்தில் கசிந்த பாகுபலி 2 படத்தின் பாடல் !

                                             டோலிவுட்டின் பிரமாண்ட இயக்குநர் ராஜமௌலி இயக்கத்தில் வெளிவந்த பாகுபலி படம், வசூல் சாதனையுடன் வெற்றிகரமாக ஓடிக் கொண்டிருக்கின்றது. பிரபாஸ், தமன்னா, அனுஷ்கா மற்றும் பலர் நடிப்பில் உருவான பாகுபலி படத்தின் முதல் பாகம் ரசிகர்களை கவர்ந்துள்ளதால் பாகுபலி படத்தின்  இரண்டாம் பாகத்திற்கான எதிர்பார்ப்பு அதிகரித்துள்ளது. பாகுபலி படத்தின் இரண்டாம் பாகத்திற்கான 30% படப்பிடிப்புகள் ஏற்கனவே நடைபெற்று முடிந்துள்ளன. வரும் செப்டம்பரில் இப்படத்தின் படப்பிடிப்பு துவங்க உள்ள நிலையில், இப்படத்திற்காக கீரவாணி உருவாகிய பாடல் இணையத்தில் வெளியானது படக்குழுவினரை அதிர்ச்சி அடையச் செய்துள்ளது. படத்தின் தீம் பாடலாக உருவாகியுள்ள அப்பாடல் ரசிகர்களின் கவனத்தை ஈர்த்துள்ளது. தற்போது விடுமுறையில் உள்ள பாகுபலி படக்குழு செப்டம்பரில் படப்பிடிப்பை துவக்கவுள்ளனர். இப்படத்தை 2016ல் திரையிட திட்டமிட்டுள்ளதாக ராஜமௌலி தெரிவித்துள்ளார்.