இந்திய கிரிக்கெட் வீரர்களை வங்கதேச பத்திரிகை ஒன்று மோசமாக சித்தரித்து விளம்பரம் வெளியிட்டுள்ளது. சமீபத்தில் இந்திய அணி, வங்கதேசத்துக்கு எதிரான ஒருநாள் போட்டி தொடரை 1–2 என இழந்தது. இதில் 19 வயதான வங்கதேச இளம் வேகப்பந்துவீச்சாளர் முஸ்தபிஜுர் ரஹ்மான் 3 போட்டிகளில் விளையாடி 13 விக்கெட் சாய்த்தார். 

                                       தற்போது, இந்திய அணியின் தோல்வி தொடர்பாக வங்கதேச வாரப்பத்திரிகை ஒன்று மோசமான விளம்பரத்தை வெளியிட்டுள்ளது. இதில் கேப்டன் தோனி, கோஹ்லி, ரகானே, ரோகித் சர்மா, ஜடேஜா, ஷிகர் தவான், அஷ்வின் ஆகிய 7 இந்திய வீரர்கள் படம் வெளியிடப்பட்டுள்ளது. இதில், இவர்களது தலைமுடி பாதி ‘ஷேவ்’ செய்யப்பட்டுள்ளது. இதற்கு மேலே, ரஹ்மான் கத்தியுடன் நிற்கிறார். அதாவது, இவர்தான் இந்திய வீரர்களின் தலைமுடியை பாதியாக குறைத்ததாக சித்திரிக்கப்பட்டுள்ளது. இது இந்திய ரசிகர்கள் இடையே மிகப்பெரிய கொந்தளிப்பை ஏற்படுத்தியுள்ளது.