படித்த பள்ளியில் படப்பிடிப்பு: தனுஷ் மகிழ்ச்சி

வேல்ராஜ் இயக்கும் படத்தில் தனுஷ் நடித்து வருகிறார். இதற்கு இன்னும் பெயர் வைக்கவில்லை. இவர்கள் கூட்டணியில் ஏற்கனவே வந்த வேலை இல்லா பட்டதாரி படம் வெற்றிகரமாக ஓடியது. எனவேதான் மீண்டும் இணைந்துள்ளனர்.



இந்த படத்தில் நாயகிகளாக எமிஜாக்சன், சமந்தா நடிக்கின்றனர். இதன் முதல் கட்ட படப்பிடிப்பு முடிந்துள்ளது. இரண்டாம் கட்ட படப்பிடிப்பு சென்னையில் தனுஷ் படித்த பள்ளிக்கூடத்தில் நடந்து வருகிறது.
இதுகுறித்து தனுஷ் கூறும் போது நான் எல்.கே.ஜி. முதல் 10–ம் வகுப்பு வரை படித்த பள்ளியில் நான் நடிக்கும் படத்தின் படப்பிடிப்பு நடப்பது மகிழ்ச்சியளிக்கிறது என்றார். அந்த பள்ளியில் தனது நண்பருடன் நின்று எடுத்த படத்தையும் டுவிட்டரில் வெளியிட்டு உள்ளார்.
இந்த படத்தை தனுஷே தயாரிக்கிறார். அனிருத் இசையமைக்கிறார்.