ரோஜா - செல்வமணியின் மகள் அஞ்சுமாலிகா தெலுங்கு படத்தில் குழந்தை நட்சத்திரமாக அறிமுகமாக உள்ளதாக தகவல்கள் வெளியாகியுள்ளன.

                 ஆர்.கே.செல்வமணி இயக்கிய 'செம்பருத்தி' படத்தில் அறிமுகமானவர் நடிகை ரோஜா, அதன்பின்னர் இந்து, உழைப்பாளி, வீரா, ராசையா, மக்களாட்சி, போன்ற பல படங்களில் நடித்துள்ளார்.
இயக்குனர் ஆர்.கே.செல்வமணியை காதலித்து திருமணம் செய்து கொண்ட நடிகை ரோஜா தற்போது ஆந்திர அரசியலிலும் தீவிரமாக ஈடுபட்டு வருகிறார்.

தற்போது நகரி தொகுதியில் ஒய்.எஸ்.ஆர் காங்கிரஸ் கட்சியின் எம்.எல்.ஏவாக வெற்றி பெற்றுள்ள ரோஜா, தொலைக்காட்சிகளில் கேம் ஷோக்களும் நடத்தி வருகிறார்.

மகள் அறிமுகம்

இவர் விரைவில் தனது மகள் அஞ்சு மல்லிகாவை குழந்தை நட்சத்திரமாக சினிமாவில் அறிமுகப்படுத்தவுள்ளதாக தகவல்கள் வெளியாகியுள்ளன.

வாரிசு நட்சத்திரம்

பல முன்னணி நட்சத்திரங்கள் தங்கள் வாரிசுகளை சின்னத்திரை மற்றும் பெரிய திரைகளில் அறிமுகப்படுத்தி வரும் நிலையில் ரோஜாவும் தனது மகளை திரையுலகில் அறிமுகப்படுத்த திட்டமிட்டு வருவதாக கூறப்படுகிறது.

ரோஜா சம்மதம்

இவரது மகள் அஞ்சுமாலிகாவிற்கு 12 வயது ஆகிறது. இவர் ரோஜாவுடன் இருக்கும் சமீபத்திய படங்கள் வெளிவந்தன. இதையடுத்து சினிமாவில் குழந்தைகள் நட்சத்திரமாக அறிமுகபடுத்த இயக்குனர்கள் பலர் அணுகியுள்ளனர். ரோஜாவும் சம்மதம் தெரிவித்து விட்டதாக கூறப்படுகிறது.

சின்னத்திரையில்

ரோஜா மகள் அஞ்சு ஏற்கனவே குழந்தைகள் பங்கு பெற்ற தொலைக்காட்சி நிகழ்ச்சியில் தோன்றியுள்ளதாகவும் கூறப்படுகிறது. கடந்த சட்டமன்ற தேர்தலின் போது அம்மாவிற்கு ஆதரவாக நகரி தொகுதியில் வாக்கு சேகரித்தார் அஞ்சுமாலிகா என்பது குறிப்பிடத்தக்கது.