என்னது, நான் வின் ஸ்டாரா?
எந்த நடிகரும் எல்லா சந்தர்ப்பத்திலும் உண்மை பேசுவதில்லை. அதே நேரத்தில் எல்லா நேரத்திலும் பொய் பேசுவதுமில்லை. அவர் பெரிய நடிகராக இருந்தாலும் சரி, சிறிய நடிகராக இருந்தாலும் சரி, இது பொருந்தும். ஜெய் ஆகாஷ் நடிப்பில் வின் என்றொரு படம் உருவாகி வருகிறது. இந்த படத்தின் பேனர்களில் வின் ஸ்டார் ஜெய் ஆகாஷ் நடிக்கும் என்று எழுதப்பட்டிருந்தது. இதை படித்துவிட்டு மைக்கை பிடித்த ஜெய் ஆகாஷ் பேசியதுதான் இங்கே கவனிக்கப்பட வேண்டிய விஷயம். நான் தமிழில் இதுவரைக்கும் ஒரு ஹிட் கூட கொடுத்ததில்ல. அப்படியிருந்தும் எனக்கு வின் ஸ்டார் என்ற பட்டத்தை இந்த படத்தில் போட்டிருக்காங்க ஒருவேளை இந்த படம் ஹிட்டாச்சுன்னா எனக்கு சந்தோஷம். அதுக்கு பிறகு இந்த பட்டத்தை பயன்படுத்துவதில் கூச்சம் இருக்காது என்று கூறினார் வெளிப்படையாக. நான் நல்ல நடிகன்தான். எனக்கு நல்ல இயக்குனர்கள்தான் அமையவே மாட்டேன் என்கிறார்கள் என்று சந்தர்ப்பம் கிடைக்கும் போதெல்லாம் கூறிவரும் ஜெய் ஆகாஷுக்கு இந்த படம் என்ன முடிவை தரப்போகிறதோ? பொருத்திருந்துதான் பார்க்க வேண்டும்.
.
